HUWAG NAMAN

 Huwag Naman

(apela ng mía Pilipino kay Tiyo Samuel)

                    
                                dinala mo kami rito
                                mil nuwebe siyentos sais
                                para maging sakada
                                dyes sentimos 'sang araw

                                OKEY LANG

                                sapagkat kumakalam ang sikmura

                                at kahirapa'y umaalimura

                                mabuti nang mangibang-bansa

                                baka buhay pa'y sumagana

                                OKEY LANG

                                kwalipikasyon ng mga rekrut

                                "no read. no write"

                                walang asawa, walang pamilya

                                kaya dumating kaming bingi, bulan

                                pipi, walang utak!

                                OKEY LANG, DI BA?

                                balat kayumanggi'y nasunog nang husto

                                sa paggapas ng tubo,

                                pagbungkal ng lupa, paglikom ng bagaso

                                pinatigas pati puso nang di na sumubo

                                kahirapan laging tinatadtad ng insulto;

                                bukbok, fresh off the boat, dog eaters

                                copycats, trying hard

                                tanga, timang

                                manong, manang

                                OKEY LANG, OKEY LANG, OKEY LANG!

                                Ngunit nature naman kami,

                                nagtayo ng mga unyon

                                nag-aral nang paganon'-ganon'

                                namulat, bumalikwas, nag-aklas,

                                kaya kinulong kami, dineport, at mins pa ngang 

                                tinadtad ng bala

                                (naaalala ba ninyo ang masaker sa Hanapepe?)

                                OKEY LANG

                                natutuhan naming makisama

                                at sumama sa agos ng umano'y pag-unlad

                                kami ang mga taga-isis ng inyong mga kubeta,

                                tagalinis ng shit sa kama,

                                tagaluto, tagasilbi, tagahugas ng pinggan

                                sa Waikiki, Kauai, Maui

                                kaminero, mutsatso, hardenero

                                tindero, tagakumpuni, tagabuhat

                                tatlo-tatlong trabaho sa isang suweldo

                                ng mga edukadong sa ami'y tumatawag na bobo

                                OKEY LANG

                                kasi nakukuha pa naming mangarap

                                para sa aming mga anak,

                                nakatutulong kami sa mga kababayang

                                hirap na hirap doon sa Pilipinas

                                at may siguradong tattling bees kami isang araw

                                mauuwiang tahanan at mga kaluluwang minamahal

                                SALAMAT, OKEY LANG

                                ngayong naitataas na namin ang aming noo,

                                ngayong nahaharap na namin ang Bukas,

                                ngayong napag-aaral na namin ang aming mga anak

                                maaabot na nila ang aming mga pangarap

                                may balakid kang inilalatag

                                HUWAG NAMAN

                                nais niyang makilala ngayon ang pagkatao

                                saan sila nanggaling, saan tutungo

                                ibig niyang mahugis sa dila

                                ang salita ng kanilang diwa

                                ibig niyang mabigkas ang wika ng kanilang ninuno

                                ngunit bakit

                                pinipilas mo ang pangako

                                pagkakatao'y itinatago?

                                HUWAG NAMAN

                                huwag mo namang piringan ang aming mga mata

                                nais pa naming makita ang katotohanang itinatago ng

                                kaunlaran

                                huwag mo namang takpan ang aming mga tainga

                                nais pa naming marinig ang musika ng tahimik

                                huwag mo namang putulin ang aming mga kamay

                                nais pa naming isulat ang mga kasaysayan

                                at

                                huwag mo namang pilasin ang aming dila,

                                nais pa naming mabigkas, at, masabi

                                Mabuhay, Mabuhay, Mabuhay!

                                kaya please . . .

                                pakiusap,

                                HUWAG NAMAN

                                HUWAG NAMAN

                                HUWAG NAMAN